Cenazeyê Vedat Çem Erkmen ku duh li Girtîgeha Tîpa F Hejmara 2 a Tekîrdagê hat qetilkirin, bi şertê ku tenê endamên malbatê lê amade bin bi merasîmekê li bajarokê Pazarcix a navçeya Dîgorê ya Qersê hat veşartin.
Cenaze di bin zext û zordariya polîsan de serê sibehê ji Stenbolê anîn bajarokê Pazarcixê yê Qersê.
Ketin û derketina bajarok ji aliyê polîs û leşkeran ve hat dorpêçkirin, piştî bicihanîna wecîbeyên olî di bin zexta polîsan de cenaze birin goristana bajarok.
Destûr hat dayîn ku tenê endamên malbatê tev li merasîmê bibin. Piştî ku cenaze hat veşartin jî polîs û leşker li bajarok man. QERS
