Endam û rêveberên Platforma Jinan a Şahmeran a Mêrdînê têkildarî tacîza zayendî ya li lîseyek navçeya Nisêbînê pêk hat û tecawiza li navçeyê û kuştina jinan li navçeya kom bûn. Jin li ber Nûnertiya KESK’ê ya Nisêbînê kom bûn. Polîsan jinan dorpêç kir û biryara qedexeya çalakiyan a Walîtiya Mêrdînê nîşan dan û destûr nedan çalakiyê. Jinan û polîsan li ser astengiyê nîqaş kirin.
Jinan destnîşan kir ku ew qedexekirina daxuyanî û çalakiyek wiha qebûl nakin û polîsan jî bo wan got heke daxuyanî bidin wê mudaxile bikin. Di encama nîqaşên derketin de polîsan gef li jinan xwarin û gotin ‘Heke tiştek encam bide jî ji rûyê we de ye.’
Jinan diyar kir ku cîgirê midûrê dibistanê Ahmet B. ku destavêtiye xwendekaran niha girtî ye û darizandina wî didome û ew li dijî tacîz, tecawiz û kuştina jinan têdikoşin.
Jinan anî ziman ku ew ji ber astngiya polîsn Miduriyeta Polîsan şermezar dikin û ev astengî di heman demê de êrîşeke li hember jinan e.
Jinan pişt re bi çepik û lîlandinê dirûşma ‘Zext nikarin me bêzar bikin’ berz kirin û derbasî avahiya sendîkayê bûn. MÊRDÎN
