Navenda Çapemenî û Ragihandinê ya HPG’ê daxuyaniyeke nivîskî weşand û diyar kir ku artêşa tirk a dagirker bi tevlêbûna bi hezaran dagirkeran ligel ku operasyonên berfireh li dar xist jî li hemberî hêzên gerîla nikarî encam bi dest bixe.
Di daxuyaniya HPG’ê de ev tişt hat gotin:
“Hêzên me bi taktîkên gerîlatiya profesyonel hin çalakî kirin û derbên giran li dagirkeran xistin. Dagirker jî ji ber derbên giran êrîşên hewayî dikin. Di van êrîşan de tiştek bi hêzên me nehatiye.
- Di 22’yê kanûnê de saet di 18.00’an de qada Golka ya herêma Metînayê bi balafirên şer hatin bomberdûmankirin.
- Di 22’yê kanûnê de saet di navbera 16.10-16.40’an de dora çemê Lolanê ya Xakurkê bi balafirên şer hat bomberdûmankirin.
- Di 22 û 24’ê kanûnê de jî qada Werxelê ya Avaşînê bi balafirên şer hat bomberdûmankirin.
- Di 23 û 26’ê kanûnê de jî qadên Çemço, Kunîşka, Kela Bedewê, Girê Şehîd Simko û Karker ên herêma Zapê jî bi balefirên şer hatin bomberdûmankirin.” BEHDÎNAN
