Dewleta tirk a dagirker 25’ê kanûna 2021’ê bi balafiran bombe li maleke sivîl a li Kobanê barandibû û di encamê de 5 endamên Tevgera Ciwanên Şoreşger û Yekitiya Jin ên Ciwan şehîd bûbûn, 4 jî birîndar bûbûn.
Endamê tevgerê Mesûd Îbrahîm ku di êrîşê de birîndar bûbû li nexweşxaneyeke Minbicê dihat dermankirin. Lê tevî hemû hewldanan jî Mesûd Îbrahîm duh bi şev şehîd bû. Bi vê yekê hejmara şehîdan gihaşt 6’an.
Şehîd Mesûd Îbrahîm li gundê Ziravkê yê li başûrê Kobanê di sala 1992’an de jidayik bû.
Tê payîn ku cenazeyê şehîd Mesûd Îbrahîm sibe li Goristana Şehîd Dîcle ya Kobanê were veşartin.
Navên şehîdên topbarana dewleta tirk şehîd bûn wiha ne: Nûjiyan Ocalan, Viyan Kobanê, Rocîn Ehmed Îsa, Murhef Xelîl Îbrahîm, Welîd Mihemed Menla Hisên û Mesûd Îbrahîm. KOBANÊ
