Malbatên girtiyan ên ji Amed, Wan, Şirnex, Êlih, Mêrdîn, Gever, Sêrt, Çûkûrova û Stenbolê bi rê ketin, gihîştin Enqereyê. Malbatên girtiyan destpêkê tev li civîna koma Partiya Demokratîk a Gelan (HDP) bûn.
Malbatên girtiyên nexweş dixwazin, girtiyên ku cezayê wan temam bûne bên berdan û dawî li binpêkirina mafên mirovan ên li girtîgehan bên.
Malbatên girtiyan piştî civîna koma HDP’ê xwestin ji deriyê Dîkmenê yê Meclisê ber bi Wezareta Edaletê ve bimeşin. Lê belê polîsan bend danîn ber derî.
Malbatên ku ji Deriyê Dîkmenê derketin, xwestin daxuyaniyê bidin çapemeniyê, lê polîsan êrîş kirin.
Polîsan bi zorê û lêdanê malbatên girtiyan li wesayîtên polîsan siwar kirin. ENQERE
