Navenda Ragihandin û Çapemeniyê ya HPG’ê li ser êrişên dagirkeriyê daxuyanî da û ev agahî parve kir:
“5’ê çileyê saet di 05:00 de artêşa tirk a dagirker qadên Gundê Kerwas, Gundê Memyat û Gundê Mehle yên herêma Şehîd Kendal a Amedê bi konvoyek ji 32 wesayîtan dest bi operasyoneke dagirkeriyê kir. Hêzên dagirker piştî ku yekîneyên xwe yên veşartî li vê herêmê bi cih kirin, vekişiyan.
Êrîşên hewayî yên artêşa tirk a dagirker dewam dikin. Agahiyên berfireh ên van êrîşên dagirkeriyê ku 5 rojan dewam kirin û hêzên me windahî nedan, wiha ne:
2’yê çileyê saet di 16:00 de qada Girê Şehîd Şahan a Zapê û qada Girê Cûdî ya herêma Gundê Fileha bi balafirên şer hatin bombekirin.
2’yê çileyê saet di navbera 16:00-17:00 de qadên Girê Şehîd Şerîf û Sinînê yên herêma Xakurkê bi balafirên şer hatin bombekirin.
3’yê çileyê saet di 22:15’an de qadên Kunîşka û Şehîd Rustem ên herêma Zapê bi balafirên şer hatin bombekirin.
4’ê çileyê saet di 15:10’an de qadên Girê Berbizina û Sinînê yên Goşînê ya herêma Xakurkê bi balafirên şer hatin bombekirin.
4’ê çileyê saet di 15:10’an qada Çiyayê Reş ê herêma Zapê û qada Barzan bi balafirên şer hatin bombekirin.
4’ê çileyê saet di 15:00 de qada Werxelê ya herêma Avaşînê bi balafirên şer hat bombekirin.
5’ê çileyê saet di 18:40’î û 20:30’î de qadên Sinînê û Goşîne yên herêma Xakurkê bi balafirên şer hatin bombekirin.
5’ê çileyê qadên Kunîşka, Çemço û Şikefta Birîndaran a herêma Zapê bi balafirên şer hatin bombekirin.
5’ê çileyê saet di 18:27’an qada Deriyê Hirçê yê herêma Garê bi balafirên şer hatin bombekirin.
6’ê çileyê saet di navbera 16:00-16:27’an de qadên Kunîşka, Girê Şehîd Şahîn ên herêma Zapê û Girê Amediyê bi balafirên şer hatin bombekirin.” BEHDÎNAN
