Keça Hevseroka Kongreya Civaka Demokratîk (KCD) Leyla Guven ku li Girtîgeha Jinan a Xarpêtê girtî ye, Sabîha Temîzkan serdana dayika xwe kir. Temîzkan li ser hesabê xwe yê medyaya dîjîtal rewşa dayika xwe parve kir û ragihand ku gef li dayika wê hatiye xwarin. Temîzkan ragihandinên dayika xwe bi van gotinan parve kir: “Min bi dayika xwe Leyla Guven re hevdîtin kir. Got ku dema wê ji bo derzîkirinê birine beşa ku lê bê derzîkirin, ji ber ku destê wê di berîka wê de bûye gardiyanekî zilam gef lê xwariye. Gardiyanê bi navê Îsmaîl ji dayika min re gotiye, ‘destê xwe ji berîka xwe derxe’. Dema ku dayika min li dijî wî derketiye ji dayika min re gotiye, ‘Ji niha pê ve tu yê bibînî’ û bi awayekî vekirî gef li dayika min xwariye. Dayika min Leyla Guven, vegot ku rexmî astengkirina gardiyanan û duyemîn midurê girtîgehê jî gardiyan gefên li dijî berdewam kiriye. Dayika min ‘Heke ew nebûna wê tundiya fizîkî li min bikira’. Wê dayika min giliya bûyera ku li ber qamereyan çêbûye bike.” XARPÊT
