Bi armanca pêkanîna peymana 9’ê Cotmehê ya Bexda-Hewlêrê ya li dijî Rêveberiya Xweser a Şengalê, çend roj in artêşa Iraq hêzêke giran li nava Şengalê û derdora wê bicihkiriye. Berî niha bi demekê artêşa Iraqê gef li asayîşa Sinûnê ya Êzîdxanê xwar ku cihê xwe berde. Lê asayîşê cihê xwe berneda û alozî li herêmê didome.
Li gorî agahiyan sê nûçegihanên ku rewş dişopandin ji aliyê artêşa Iraqê ve hatine binçavkirin. Hat gotin ku xebatkarê radyo Çira Xelîl Şengalî, peyamnêr û pêşkêşkara Çira TV’yê Emîra Simoqî û Hesûnî Xanesorî hatine binçavkirin.
Hat gotin ku artêşa Iraqê dest daniye ser amûrên kar ên rojnamegeran û heya niha jî serbest ne hatine berdan.
Li gorî hinek çavkaniyan ji derveyî rojnamevanan artêşa Iraqê rewşeke aloz li herêmê çêkiriye û xelkê binçav dike.
Ji derveyî Sinûnê li Xanesorê jî hêz hatiye zêdekirin. ŞENGAL
