Komeleya Kultur, Huner û Edebîyatî ya (KASED) do 22ê çeleyî de Mêrsîn de konserêk viraza. Konser do Merkezê Kongre yê Şaredarîya Bajarê Girde ya Mêrsînî de bêro viraştiş. Hunermend Feryal Oney û Devrîm Demîre do konser de bivejîyî sahne. Hunermend Cejna Saruhana ke organîzasyonê konserî de ca gêna, sere de veng da cinîyan û heme mêrsînijan ke tewrê konserî bibî.
Saruhane vengdayîşê xo yê konserî de wina vat: “Cinî nêseyyewbînanîya cînsî ya komelî vera hunerî ra ameyî dûrîvistiş. Ma raşteyê hunerî de zî raştê zor û zehmetîyan yenê. Zihnîyeto kehenperest sey pêroyê raşteyanê bînan, wazeno ma cinîyan no raşte ra zî dûrî bikero. Timî astengîyan dane ma ver. Labelê reyna zî ma dest bi hunerî û dest bi rijnayîşê no zihnîyetê kerd. Ma vera no zihnîyetî de têkoşîn danê û ma do têkoşîn bidê zî. Ma vera zihnîyeto ke cinîyan çinî hesibneno paştîdayîşê hunermendanê cinîyan kenê.” MÊRSÎN
