Navenda Ragihandinê ya Hêzên Sûriyeya Demokratîk (HSD) derbarê rewşa dawî ya li girtîgeha Sînaayê de daxuyanek da.
Daxuyaniya HSD’ê wiha ye:
“Hêzên me bi oparasyonên ewlehî û leşkerî ên di çend rojên borî de bi ser ketin û rewşên ewlekariyê yên xeternak li beşa herî mezin a girtîgeha Sînaa li Hesekê û derdora wê ku rastî êrîşa terorîstên DAIŞ’ê hatibû, kontrol kirin. Hêzên me gelek çeteyên ku êrîşî girtîgehê kirine, girtin. Her wiha çeteyên ku beşdarî îsyana hemwextî êrîşan bibûn, tûşî xweradestkirinê kirin.
Hejmara endamên terorîst ên ku hêzên me ew mecbûrî xweradestkirinê kirine bilind bû û nêzî hezar çeteyî ye. Hemleya hêzên me û oparasyonên ewlekariyê ji bo kontrolkirina tevahiya girtîgehê, didomin.
Her wiha hêzên me li herêmên Dêrazorê, Reqa û Hesekê bi baldarî hemleyên berfireh ên paqijiyê didomînin.”
