Navenda Nûçeyan |
Navenda Ragihandinê ya Hêzên Sûriyeya Demokratîk (HSD) têkildarî geşedanên dawî yên di Girtîgeha Sînaa ya Hesekê daxuyanî da û wiha got: “Piştî ku hêzên me girtîgeha Sînaayê bi temamî kontrol kirin û bi qasî 3 hezar û 500 çeteyên girtî teslîm bûn, dest bi operasyonên lêgerînê di hucreyên girtîgehê de kir.
Di wan operasyonan de aşkera bû ku çeteyan xwe li huncreyên li bakurê girtîgehê de asê kirine. Hejmara wan bi qasî 60 heta 90 çeteyî ye. Hêzên me bang li wan kir ku xwe radest bikin lê heke bersivê nedin vê bangewaziyê, wê hêzên me li gorî bê xwestin tevbigerin.”
