Astengî û qexexeyê vera ajansê xeberan dewam kenê. Keyepelê rojnameyê Xwebûnî ke hewte de reyêk yeno weşanayene û kurmancî û zazakî serê “xwebun.org” ra weşan keno, ame astengkerdene. Teknolojîyê Zanayîş û Dezgeyê Resnayîşî 28ê çeleyê 2022î de bi qerarê hûmara 490.05.01.2022-93453 astengîyê resnayîşî ard keyepelî rê.
Rojnameyê Xwebûnî 22ê kanûna 2019î de dest bi weşanê kurdî ê zazawayê kurmancî û zazakî kerd. Rojname heta nika rojeva kurd û şarê herême ardêne ripelan û keyepelê xo ser. Keyepel de xeber, analîz, cigêrayîş, roportaj, cinî, dosya û babetê cîya cîyayî estbî. Kişta bîn de rojnameyê Xwebûnî de polîtîka, rojev, cuwîyayîş, ekonomî, ekolojî, hûner kultur, edebîyat, ziwan, û tarîx zî estbî. AMED
