Mehmet Hanefî Bîlgîno ke Zîndanê Tîpê Fyî yê Bolu de ame qetilkerdene cenazaya ci qezaya Dara Hênî ya Çewlîgî de ameye definkerdene.
Merdimanê Bîlgînî cenazaya xo morgê Goristanê Karşiyaka yê Anqara girewte û berde Çewlîg. Bi desan kesî meydanê teyarayan ê Çewlîgî de şîyî vera cenaza. Cenazaya Bîlgînî binê ablûqaya polîsan de qezaya Dara Hêrnî de badê caardişê wecîbeyanê dînîyan Goristanê Cumhurîyetî de ameye definekerdene.
Pîya bi merdimanê Bîlgînî rêxitina HDPyî ya Çewlîgî û qeza û merkezî ra temsîlkarê sîyasîyî, parlamenterî û xeylêk kesî tewrê merasîmê cenaza bîyî. Tezîyeya Bîlgînî Banê Tezîye yê Yenîşehîrî de ameye ronayene.
Bîlgîno ke rîyê sebebanê sîyasîyan ra 1992yî ra nata zîndan de sey rehînî yeno tepiştene panc mengî mendîbî ke tehlîye bibo zîndan de ame qetilkerdene. Îdareyê zîndanî îdîa kerd ke Bîlgînî rîyê krîzê qelbî ra dînyaya xo bedilnaya. ÇEWLÎG
