Binpaykerdişê heqan ê zîndanan de bi tecrîdo girankerdîş de pîlêr bîyo û dewam keno. Duştê binpaykerdişê heqan ê bêvengîyê selahîyetdaran domeno û duştê nê keyeyê tepişteyan Wan, Amed û Stenbol de bi amanco binpaykerdiş peynî bêro û tepişteyê nêweşî bêrê veradayîş ‘Nobeta Edaletî’ dayî destpêkerdişî û dewam kenê. Emîne Demîragaç a 55 serrî, yew keyeyê ke di ‘Nobeta Edaletî’ yê Wanî de ya roja 64î de dewam kena de ca gêna.
Emîne dîyar kerd ke lajê aye Ahmet Demîragaç 13ê Hezîrane ya 2016î de wesayît de hêrişê çekdarî de dinyaya xo bedilna, lajê aye Malîk Demîragaç zî eynî roje de di sereştişê keyî de birîndar ameyo destbendkerdişî û wina vat: “Polîsan sereştişî de ez derb kerda. Roja ewilîyê menga Remezanî bî. Bi desan polîsî serê keyeyê ma de girewt. Ma fam nêkerd. Ez û lajê mi Malîk derb kerdî. Bi saetan keye de cigêrayîş kerdî. Bi duçikê sîlehî da mi ro. Ez xo ra şîya. Lajê mi Malîk zî vera ke îşkence vîna didanê ey kewtî. Dima ra mêrdeyê mi Îsa û lajê mi Malîk destbendkerdî û tepiştî. Hema zî mi didanê lajê xo limitê.
‘Rêça 17 guleyan hûmaritî’
Emîne dewamîye de wina vat: “Keyeyê ma serobino kerdî. Her ca mîyanê gonî de mend. Lihêfê ma mîyanê gonî de mendî. Pêwa çîyêke keye de nêame vînayîş zî çapemenîye de vatî, bi desan sîlehî ameyê vînayîş. Ez ro lajê xo Ahmet gêraya mi xo nêresna ci. Înan ra hayîya mi çinêbî. Merdimê ma ameyî keyeyê ma vat Ahmet ameyo kiştiş. Birayê mi cenazeyê ey şit. Vat 17 guleyî ginayê ci ro. Vera îxbarî eşt keyeyê ma ser.
‘Paştî û lingê ey de platîn esto’
Emîne îşaret kerd ke lajê aye Malîk sirgunê Zîndanê Tîpê Tyî yê Bandirmayî ameyo kerdiş, mêrdeyê ci zî 6 mengî pey ra ameyo veradayîş û wina reaksîyon mojna ra: “Vera ekonomîyî ez nêeşkena şêrî. Her reyêke telefonî akeno, vano ez baş a, mi meraq mekerê. Ez lajê xo nêvînena, ez o senîn bawerî bikerî ke baş o. Ez rewşa ey nêzana. Lingê ey de birînê guleyî estê. Rayîrşîyayîş de zehmetîyan anceno. Platîn lingêke ey de esto. Paşta ey de platîn esto. Babê ey karê xo yê Şaredarî ra eşt. Roja ke ma ameyê dinya heta nika ma di ezab de yê. Lajêke mi qetil kerdî yew zî hêsîr girewto.”
‘Nobeta ma do bidomo’
Emîne peynîyê qiseyanê xo de veng kerd ke ganî heme bêrayê zîndanan bêrê akerdiş û wina veg da: “Wa dadî êdî nêbermê. Wa aştî bêro ca. Heta berê zîndanan anêbê do çalakîyê nobeta edaletî bidomo.” WAN
