Sendîkaya Kedkaranê Weşîye û Xizmetê Komelkî (SES) badê kombîyayîşê xo yê 5. ê serdemê 10. seba hemsekera xo ya verene Gonul Erdene eşkerayî da. Eşkerayîye de endamê Heyetê Temsîlkarîye yê Merkezî hadre bî. Eşkerayîye hetê Hemsereka Pêroyî ya SESî Selma Atabeye ra ameye wendene.
Atabeye eşkerayîye de dîyar kerde ke Erdene bi hawayêko teberê huqûqî yena tepiştene û wina vat: “Embaza ma bi hawayêko teberê huqûqî ameye tepiştene. Nika zî nêverdenê ke embazanê xo reyde pêvînayîş pê bîyara û yena tecrîdkerdiş. Ma no îzolasyon û tecrîdî qebul nêkenê. Erdene tena bi rayîrê avûkatanê xo eşkena teberi ra xeber bigêra. Heme xebatê sendîkayî û yê seba têkoşînê demokratîke ê Erdene sey suc ameyî hesibnayîş. Tepiştişê Erdene netîceyê hêrişê vera sendîkaya ma yo. Waştişê ma o yo ke hemsereka ma ya verên Erdene demêko lez serbest bêra veradayene.”
Eşkerayîya SESî de serbestveradayîşê hemsereka înan ya verêne vejîya vernî. ANQARA
