Ji bo bîranîna gerîlayên ku di hezîrana 2021’ê de li Zendûrayê li dijî êrişên dagirkeriyê yên dewleta tirk bi rojan li ber xwe dan, klîbek hat amadekirin. Strana ku ji aliyê gerîlayên jin ve hat gotin li Gerîla TV hat weşandin.
HPG’ê beriya niha di daxuyaniyên xwe de têkildarî gerîlayên di berxwedana Zendûrayê de şehîd bûbûn wiha gotibû: “Ji fermandarên me yên Pêngava Şoreşgerî ya Cenga Xabûrê ya li herêma Metînayê Rêber Zana, ji fermandarên fedayî yên Berxwedana Zendûrayê hevalê me Hêjar Can û hevrêyên bi wan re Têkoşer, Bahoz, Botan û Nûman bi lehengî şer kirin û şehîd bûn. Bi saya ked, hewldan û fedayîtiya van hevrêyan, hevrêyên din ên leheng ên Berxwedana Zendûrayê bi serketî gihîştin hevrêyên xwe.”
