Endamê Desteya Hevserokatiyê ya PYD’ê de Aldar Xelîl li 5’emîn Konferansa Meclisa Malbatên Şehîdan axivî.
Xelîl got “Dewletên komploger bi fikrên xwe yên kapîtalîst, fikrên azad û demokratîk ên Rêber Abdullah Ocalan red dikin. Bi dîlgirtina Rêber Ocalan xwestin ku gel û fikrên demokratîk tune bikin.”
Xelîl destnîşan kir ku rêxistiniya malbatên şehîdan di bin sîwana Meclisa Malbatên Şehîdan de bi fikrên Rêberê gelê kurd Abdullah Ocalan bi ser ketiye û nîşaneya pûçkirina Komploya Navneteweyî ye.
Adar Xelîl got “Asta rêxistinî ya ku Meclisa Malbatên Şehîdan û saziyên gel gihîştiyê, nîşaneya serketinê ya şoreşa Bakur û Rojhilatê Sûriyeyê nîşan dide. Gelên serhildêr ji bo jiyaneke azad û demokratîk divê têkoşîna xwe xurt bikin.”
Xelîl diyar kir şoreşa Bakur û Rojhilatê Sûriyeyê ji hêviyên gelên Sûriyê re bûye bersiv û wiha got: ”Ji bo ku destkeftiyên şoreşê bên parastin divê sazî, meclis û komun werin xurtkirin. Di bingeha civaka azad e têrîxwekirin heye. Bingeha têrîkirinê jî hilberîn û aboriya komunal e.”
