Emser startê Newroze bi şîarê ”Wext wextê serkewtişî yo” 10ê adare de Amed de rayberîya Kongreya Komelê Demokratîkî (KCD), Kongreya Demokratîke ya Şaran (HDK), Têgêrayîşê Cinîyan ê Azadan (TJA) û Partîya Herêmanê Demokratîkan (DBP) de bi deklarasyonêk do bêro dayene. HDP û Xebatê Îtîfaqê Kurdîstanî zî do deklarasyon de ca bigêrê. Deklarasyon 11ê adare de Stenbol de do bêro eşkerakerdene. Adirê Newroze zî 29ê ci şaristanî do 62 merkezan de bêro tavistene.
Rojdemo sereke yê Newroza 2022î tecrîdê Îmraliyî û azadîya Ocalanî ya. Adirê Newroze verî 15ê adare de qezaya Beytuşebabî ya Şirnexî de nêzdîyê sînorê Herêma Kurdîstanî de bêro tavistene. Emser Rojhelatê Mîyanênî û Ewropa ra 200 kes, temsîlkarê partîyanê sîyasîyan û rêxistinanê komelê sivîlî Newroze rê bêrê dawetkerdene.
Şayîyê girseyî do 19ê adare de dest pêbikerê.
Hemserekê KCDyî Berdan Ozturk, Hemsereka Pêroyî ya DBPyî Salîha Aydenîz, Vervatoxa HDPyî Ebruye Gunay û wekîlî tewrê şayîya Newroza Beytuşebabî bibê. Hemvervatoxa HDKyî Esengule Demîr, Hemserekê HDPyî Mîthat Sancar û hunermend Sorjiyan, Grup Vardiya, Huriye û Xêro Abbes tewrê şayîya Newroze ya Stenbolî bibê. Hemvervatoxê HDKyî Cengîz Çîçek û Hemsereka DBPyî Salîha Aydenîz zî tewrê Newroza Îzmîrî bibê.
Fînalê şayîye do 21ê adare de Amed de bibo. Hemserekê KCDyî Berdan Ozturk, Pervîne Buldan, Partîya Azadîye ra Ayetullah Aşitî û hunermendî Rojda, Azad Bedran, Servet Kocakaya, Kazo û Elenora tewrê Newroza Amedî bibê.
Hemserekê DBPyî Keskîn Bayindir û hunermendî Şerzad, Pinar Aydinlar, Lawje û Şiyar Berwarî şayîya Cizîre de bibê.
Newroze emser do nê meydanan de bêra fîrazkerdene:
15ê Adare: Bêşebab
17ê Adare: Erdîş
19ê Adare: Bismil, Çêrmûg, Hezro, Dêrsim, Qereqoçan, Kerboranî, Artûklû, Şirnex, Basan, Qileban, Pirsûs, Aydin Germencîk, Nazîllî û Soke, Gebze, Mêrsîn, Panos, Îdir, Mûş, Konya Cihanbeylî
20ê Adare: Stenbol, Wan, Semsur, Farqîn, Çinar, Erxenî, Dîlok, Êlih, Çewlîg, Xarpêt, Meletî Yeşîlyurt, Elbîstan, Wêrik, Qoser, Stewrê, Silopiya, Riha, Aydin, Kepez, Bodrûm, Îzmîr, Denîzlî, Manîsa, Balikesîr Bandirma û Ayvalik, Bursa, Çanakkale, Edîrne, Çorlu, Edene, Hatay Dortyol û Îskenderun, Osmanîye, Eskîşehîr, Bazîd, Tetwan, Colemêrg, Kop, Konya Kulu, Anqara
21ê Adare: Amed, Nisêbîn, Sêrt, Cizîr, Hezex, Wêranşar, Ceyhan, Agirî, Erdexan, Tekman, Gever, Qers, Konya. Çime: ANF
