Navenda Ragihandin û Çapemeniyê ya HPG’ê bi daxuyaniyeke niviskî derheqê çalakiyên gerîla û êrîşên dagirker agahî da.
HPG’ê di daxuyaniya xwe de aşkera kir ku gerîlayên wan derb li artêşa tirk xistine û ev agahî da: ”Hêzên me yên YJA Starê bi Çarçoweya Pêngava Şoreşger a Bazên Zagrosê li herêma Zapê; 8’ê adarê saet 15.40’î û 10’ê adarê saet 18î40’î, li Girê Koordîne hêzên dagirker bûne hedefa çekên giran ên hêzên me. Du hedefên ku hatine diyarkirin bi serkeftî derb li wan hatiye xistin. 11’ê adarê saet 16.30’an li Qela Bêdewê hêzên me bi çekên giran li kozikên dagirkeran dan. Di vê çalakiyê de derb li 2 kozikên dagirkeran dan, çend dagirker hatine cezakirin zelal nebûye.”
HPG’ê têkildarî êrîşên dewleta tirk de jî ev agahî parve kir: “Êrîşên berfireh ên ên dewleta dagirker a TC’ê ya li ser Qadên Parastinê yên Medyayê berdewam dikin. Agahiyên berfireh ên derheqê êrîşan wiha ne; 9’ê adarê saet 09ê10’an qada Girê Berbizina ê herêma Xakurkê bi balafirên şer hatiye bombekirin. 9’ê adarê saet 09.00’an li herêma apê qada Saca û Gundê Rênçbiraxa bi balafirên şer hatiye bombekirin.”
