Peyama hevpar a tevgerên Kurdan: Bila Newroz bibe tifaqa navxweyî

Bi dehan partiyên siyasî, sazî û dezgeh û rêxistinên civakî ji bo Newroza îsal daxuyaniyeke hevpar a nivîskî da.

Daxuyaniya hevpar wiha wiha ye:

“Di dîroka Kurdistanê de, berî 2634 sal berê bi serhildana Kawayê Hesinker, zordestî û zilma Dahakê tê bidawîkirin û li ser çiyayên Kurdıstanê agirê azadiyê tê hilkirin û geşkirin. Ji wê rojê heta îro di nav gelên Kurdistanê de Newroz wekî cejna azadî, rizgarî, berxwedan û serhildanê hatiye pênasekirin. Kurdistanî û bi taybetî gelê Kurd her sal roja 21’ê ̂ Adarê cejna Newrozê pîroz dikin û vê rojê agirê Newrozê berz dikin. Ji ber vê egerê li cem Kurdistaniyan, Newroz bûye roja berxedanê, roja serkevtina, roja rizgarî û azadiyê.

Newroz li ser bingehê têkoşîna li dijî bindestîyê pêk hatîye. Newroz li dijî zulmê, koletîyê, dagirkerîyê, kolonyalîzmê û bindestîyê bûye sembola rizgarî û azadîyê. Li dijî faşîzma dewleta Tirk Kawayê hemdem Mazlûm Doğan roja 21’ê Adara 1982’an de bi sê darikên Kifrîtê bejna xwe kir agirê azadî û berxwedanê. Ala Kawayê Hesinker, ala azadiyê li paytexta Kurdistanê, li birca Amedê daleqand û agir geştir kir. Ev agir li seranserê Kurdistanê li serê çiyayan, li zozanan, li gund û bajaran geş bû. Îro jî hemû Kurdistanî vî agirê azadiyê li seranserê Ewropa, li parzemînên Emerika, Esya û Ewistralyayê dane geşkirin û wê di vê Newroza sala 2022’an de jî ev agirê azadî, serhildan û berxwedanê ji alî partiyên siyasî, rexıstinên sivîl û pêkkhateyê gelê Kurd ve li heman parzemînan bê geşkirin.

Îro gelê Kurd, li her çar parçeyên Kurdistanê Newroz kirine şahîyeke mezina gelêrî û roja azadî, rizgarî û berxwedanê. Gelê Kurd, dîsa Cejna Newrozê li seranserê Kurdistanê û li hemû parzemînên Cîhanê herwekî naveroka wê ya dîrokî bi armanca rizgarî û azadîyê bi coşeke mezin pîroz dikin. Gelê Kurd, bi têkoşîna xwe ya bê hempa, li serê çiyayan li gundan, li bajaran, li zîndanan, li her cih û warê jîyanê Cejna Newroz kirine çeperê têkoşîna rizgarî û azadîyê.

Îro li seranserê Kurdistanê agirê Newrozê gurtir û geştir e. Li Başûr û Rojavayê Kurdistanê bi rengekî fermî tê pîroz kirin. Li Rojhilat û Bakurê Kurdistanê jî di gel hemû astengiyên dagirkeran, bi wateya xwe ya dîrokî tê pîrozkirin û agirê rizgarî û azadiyê gurtir tê hilkirin û geşkirin.

Em îro bi vê Newrozê dest bi saleke nuh dikin. Sala berê di hemû qadan de ji me re bûbû saleke tekoşînê. Di nava van mercan de diyar dibe ku îsal jî wê bibe sala tekoşîna ji bo azadî û rizgariya Serok Ocalan, girtiyên di zîndanan de, gelê Kurd û Kurdistaniyan.

Di vê rewşa nûh, a cîhanê de, dijminên gelê Kurd, bi şêweyeke gelek tûnd bi hişmendiyeke nîjadperest êrîşên xwe berdewam dikin. Bi taybetî dewleta Tirk, a dagırker ji bo têkbirina hemû destkevtinên gelê Kurd, li Bakur, li Başûr û li Rojava êrîşên xwe yên dijwavr, bi tûnd û tûjî berdewam dike.

Dewleta Îranê jî bi hemû awayî gelê Kurd û canfedayên vî gelî ji xwe re kiriye hedef. Ji bo ku vîna gelê Rojhilatê Kurdistanê bişikîne, zordestiya xwe berdewam dike.

Her çiqas li Başûrê Kurdistanê statûyeke fermî hebe jî, li vî parçeyê Kurdistanê pirsgirêkên xeternak berdewam dikin û rewş roj bi roj ber bi nebaşiyê ve diçe. Dijminên gelê Kurd ji bo vê statûyê lewaz bikin û têk bibin, plansaziyekê qirêj û dek û dolabên xwe didomînin.

Li Rojavayê Kurdistanê jî, dagirkerî û êrîşên dewleta Tirk berdewam dikin. Ji aliyê din de rejîma Surî jî ji bo destkeftiyên gelê Rojavayê Kurdistanê têk bibe û derfetan bi dest bixe hewldanên xwe berdewam dike.

Ev rewş erk û peywirên me pêkhateyan diyar dike. Ji bo ku em di vê salê de serkeftinê bidest bixin, divê em hevkarî û yekîtiya xwe xurt bikin. Ji bo ku em van planên dagirkeran pûç bikin, divê em li hember dijmin tedbîrên resen bistînin. Divê em bi hevdû re hêza xwe ya parastinê bidin xurtkirin û êrîşên dijminan bidin rawestandin. Divê em destkeftiyên xwe yên heyî biparêzin û deskevtinên nûh lê zêde bikin. Ji bo ku em van peywirên xwe bi cih bînin, divê di sêrî de em yekrêzîya nav mala Kurdî û yekîtîya neteweyî bidin avakirin. Bi vê şêweyê em ê vê salê bikaribin bikin sala azadî, rizgarî û erkeftinê

Em îro Newrozê di nava rewşeke xeternak de pêşwazî dikin. Ji bo ku em ji nûh ve bi qirkirin û karesatên wek Heleb̧e, Qmişlo, Zindana Amedê û yên din nebînin, divê em vê Newrozê weke wateya wê ya dîrokî, bi ruhê berxwedanê pîroz bikin. Em ê bi hev re dakevin qada Newrozê û bi rihê serkevtina Garê cejna xwe pîroz bikin. Di vê qonaxa giring, a pêvajoya têkoşîna rizgarî û azadîya Kurdistanê de, bila agirê Newrozê bibe ronahîyeke geş ya tifaq û yêkîtîya gel û neteweya Kurdistanê.

Em hemû partiyên siyasî, rêkxiraw û dezgehên Kurdistanî, bi vê bîr û bawerîyê, Newroza hemû Kurd û Kurdistanîyan bi dilgermîya neteweyî û niştimanî pîroz dikin.

Bila Newroza vê salê, ya sala 2022’yan bibe çepera yêkîtî û tifaqa navxweyiyê. Dem dema serkeftinê ye.

Newroz pîroz be.”

Rêxistinên ku daxuyaniya hevpar daye, ev in:

YNK (Yekitiya Niştimanî Kurdistan)

Tevgera GORAN

KCDK-E (Kongreya Civakên Demokratîk ên Kurdistaniyên li Ewropa)

TJK-E (Tevgêra Jinên Kurdistanê-Ewropa)

Partiya ŞÛÎ Kurdistan Başûr

Kongra Star (Rêxistna Jin Rojava, Bakur-Rojhilatê Sûryê) Ewropayê

Partiya Zahmetkêşan – Başûr

PADÊ (Partiya Azadî û Demokrasiya Êzîdiyan)

Tevgera Azadî

PYD (Partiya Yekîtiya Demokrat)

P.D.K.S (Partiya Demokrat a Kurdên ya Sûriyê)

Partiya Çep a Kurd li Sûrî

Tevgera Nûjen ya Kurdistanî-Sûrya

PÇDKS (Partiya Çepgir a Demokrat a Kurdên Sûriyê)

Partiya Demokrat a Kurdên Sûriyê (El Partî)

Partiya Çepgir a Demokrat li Sûriyê

Partiya Rêkeftin a Kurd li Sûriyê

Partiya Çaksaziya Kurd li Sûriyê

Partiya Kesk a Kurdistanî li Sûriyê

Partiya Demokrata Kurdistanî li Sûriyê

Partiya Komanist a Kurdistanî li Sûriyê

PÎK (Partiya Îslamiya Kurdistan)

KKP (Partiya Kominist a Kurdistanê)

Tevgera Kawa

PJAK (Partiya Jiyana Azad a Kurdistan)

Yekitiya Şorşgerî Kurdistan

KODAR (Civaka Demokratîk û Azada Rojhelatĕ Kurdistanê)

KJAR (Civaka Jinên Rojhelatî Kurdistanê)

Platforma Horam

Plattform Zagros

Plattform Yarsan

Yarî Kurd

Partiya Dimokrati Pêşverû ya Kurd li Sûriyê

Tev-Çand (Tevgera Çand û Hunera Kurd)

Kurdische Gemeinde Stuttgart e.V

FEDA (Federesyona Elewîyên Kurdistan)

NAV YÊK (Navenda Mal û Komelê Êzdiyan)

Kurdische Zentrum Berlin

CÎK (Civaka Îslamiya Kurdistan)

Enstituta Kurdî – Almanaya

Enstituta Kurdî – Bruksel

MŞD (Meclîsa Şingal a Derveyî Welat)

YMK (Yekîtîya Mamostayên Kurdistan)

YES (Yekitiya Êzdiyên Sûri)

Kurdische Gemeinde zu Berlin-Brandenburg e.V.

Dachverband der Êzidischen Frauenräte

DKF (Deutsch-kurdisches Forum) e.V Dresden

Kongreya Gel a Mezopotamya

Partiya Azadiyê ya Mezopotamya

Kurdistan human rights Association

Civaka Kurd ji bo Neteweyên Yekbûyî

PDK a Barzanî bi zanebûn sûc dikin

Xezeba Trump

Kî kêfxweş e?

PDK a Barzanî bi zanebûn sûc dikin

Xezeba Trump

PDK a Barzanî bi zanebûn sûc dikin

Xezeba Trump

Kî kêfxweş e?

PDK a Barzanî bi zanebûn sûc dikin

Xezeba Trump

PDK a Barzanî bi zanebûn sûc dikin

Xezeba Trump

Kî kêfxweş e?

PDK a Barzanî bi zanebûn sûc dikin

Xezeba Trump

Peyama hevpar a tevgerên Kurdan: Bila Newroz bibe tifaqa navxweyî

HPG: Hevrê Azîme, Mordem, Hemze û Xeyrî şehîd bûn

‘Di şexsê Abdullah Ocalan de gelê kurd tê tecrîdkirin’

KJK: Dema Kurdistana Azad û Rêbertiya Azad hatiye

Ayten Dêrsîm: Felsefeya Rêber Apo felsefeya azadiyê ye

Nûçeyên Têkildar

Çîgdem Dogû: YJA Star hêza xweparastinê ye

Gerîlayên azadiyê: Azadiya jinê azadiya mirovahiyê ye

Em ê siberojê bi Rêber Apo yê azad re bimeşin

Colectiva Las Kompas daxwaza azadiya Rêber Apo kir

Yên ku derdikevin pêş

Çîgdem Dogû: YJA Star hêza xweparastinê ye

Gerîlayên azadiyê: Azadiya jinê azadiya mirovahiyê ye

PKK ji mirovahiyê re bûye hêviya azadiyê

​​​​​​​Peyama hevpar a tevgerên Kurdan: Bila Newroz bibe tifaqa navxweyî

Nûçeyên Têkildar

Yên ku derdikevin pêş

Peyama hevpar a tevgerên Kurdan: Bila Newroz bibe tifaqa navxweyî