Hozan Kawaya ke 2004 de deyîra ”Newrozê” nuşta, waşt ke Newroze biba wesîleya haştî, aramî, yewîya neteweyî û azadîye.
îfade kerd ke şar wayîrê deyîra ey vejîya û vat: ”2004 de deyîra Newrozê verî Amed de ameye goşdarîkerdene. Hîsê ê çaxî nênê ziwan. Dima na deyîre bi mîlyonan merdiman rê vila bîye. Şar wayîrê na deyîre vejîya. ”
Hozan Kawayî derheqê Newroza 2022î de wina vat: ”Medan ra nata şarê ma reya verêne tim adirê Newroze vist ta û Newroze fîraz kerd. Bi hezaran serrî derbaz bibê zî Newroze bi nê hawayî dewam kena. No adir qetî hewna nêşoro. Newroze roşanê îrade û xoverdayîşî yo, roşanê kurdan û pêro şaranê Rojhelatê Mîyanênî yo. Şarê ma sena azadîye bedelê giranî dayî. Coka ganî pêro merdimê Kurdîstanî Newroze de wurzê payan ser û bi coşî tewrê şayîyan bibê. Wa şarê ma meydananê Newroze debikero.”
https://www.youtube.com/watch?v=PkP1UJwMqFY
Çime: ANF
