Çewlîg de bi hezaran kesî rixmê serd û sipirî warê Newroze de ameyî têhet û adirê azadîye vist ta. Çewlîgijî pê slogananê azadîye roşanê têkoşîn û ganîbîyayîşî pîroz kenê.
Çewlîg de saetanê serê sibayî germayîye kemêk des derece bi la rixmê nê serd sipirî çewlîgijan verê xo da warê Newroze û bi adirê Newroze xo germin kenê.
Çewlîgijê ke bi kincanê cayîyan û flamayanê çeqer, sûre û hewzê Warê Newroze (Kuçeyê Nêweşxaneyî) de ameyî têhet bi slogananê ”Cinî, cuye, azadîye” û ”Bê Rayberî cuye nêbena” qîrênê. Bi hezaran kesî pê def û zurna govende genê.
Hetê bînî ra hîrê rojî yo bajar de vewre varena û rayîrê tay dewan birîyayî. Coka zaf kesê ke dewan ra wazenê bêrê rayîr de mendî peyser agêrayî. ÇEWLÎG
