Stenbol de Newroze bi şîarê ‘Wext wextê serkewtişî yo’ yena pîrozkerdiş

Şaran û hêzanê demokrasîyî verê xo da warê Newroze yê Yenikapiyê Stenbolî. Warê Newroze ra sloganê semedê Rayberê Şarê Kurdî Abdullah Ocalanî benê berz.

Vejîyayîşê Metroyê Yenikapi û nuqtayanê cigêrayîşî yê polîsan de govende ameye girewtene. Warê şayîye de marşê “Çerxa şoreşê”  ameye wendene û slogana Biciwîyo Serek Apo yenê eştene. Komîteya Amadekerdişî ya Newroze zî nuqtaya cigêrayîşî na ro ke wa şayîye bi bê problem bêro kerdene. Rixmê astengkerdişanê keyfîyan ê polîsan şar pê pankart û flamayanê xo kewt war.