Aysel Tugluka ke nêweşa dîmens a, rixmo ke nêweşîya ci zaf aver şîya vera nêdîyena. Nevîn Berktaşa ke 22 serran zîndan de menda derheqê babete de ANFyî rê qisey kerd.
Berktaşe da zanayene ke wextê Darbeya 12ê Êlule de zîndanan de zulm resabi asta tewr berze û ewro zî heman rewşe est a. Berktaşe ard ziwan ke key teber de têkoşîn pîl bibo zîndanan de zulm kêmîyeno la key teber de têkoşîn bikêmîyo zîndanan de zulm zêdîyeno.
Berktaşe vist vîrî ke Tugluke nêweşa demansî ya la rixmê ney zî vera nêdîyena. Berktaşe pare kerd ke dima ke vera cenazaya dadîya ci hêriş ame kerdene Tugluke bîya nêweş la reyna zî hucreyê yewkesî de tepişîyaye.
Berktaşe eşkera kerd ke hêrişê vera Tugluke hêrişê vera vîrê şorişgêrî yo. Berktaşe vat: ”Çîyo ke vera Tugluke yeno kerdene xîretê qesasgirewtişî yo. Vera ci hende zulm yeno kerdene ke têna ma eşkenê verê ney bigêrê. Eke ma wayîrê Tugluke vejîyê ma eşkenê ney bibedilnê. Seba ke Tugluke bêra veradayene ganî ma zaf xîret bikerê. Eke teber de seba ney têgêrayîşêko cidî biqewimiyo Tugluke Tugluk do vejîya teber. Qetî ma Tugluke destê înan ra bigêrê. No erkê ma yo sereke û deynê ma yo.” STENBOL
