Festîvala Fîlmanê Kurdan a Stenbolî roja hîrêyîne de zî eleqeyêko pîl dî. Festîvala ke hetê Kolektîfê Sînema yê Merkezê Komelê Mezopotamya (MKM) ra yena serûber kerdene, heta 29ê adare dewam bikera û çarçewa festîvale de do 28 fîlmî bêrê mojnayene.
Vizêr roja hîrêyîne ya festîvale de fîlmê 3 May, Rewşen, Sar, Nani Piroz, Landless, Casimê Celil, Gitmek, Sidik û Panter, Walnut Tree, House Without Roof ameyî mojnayene.
Sere de cinî û ciwanî xeylêk hemwelatîyan eleqeyêko pîl mojna fîlman. Bi taybetî fîlmê Lanslesso ke tede qala têkoşînê vera DAIŞî yena kerdene, mojnayîşê ci de salone bîye de.
Mojnayîşê fîlman ra dima xoşeberî ameyî kerdene. Festîvale de dîrektor û kaykerdoxanê fîlman cewab da persanê seyrkeran. STENBOL
