HPG’ê ragihand ku bi wesîleya Hefteya Lehengiyê li Kela Bedewê ya Zapê li dagirkeran xistine û di encamê de herî kêm dagirkerek hatiye kuştin, çeperek jî hatiye rûxandin.
Daxuyaniya Navenda Ragihandin û Çapemeniyê ya HPG’ê wiha ye:
“Di çarçoveya Pêngava Şoreşgerî ya Bazên Zagrosê de li herêma Zapê;
*26’ê adarê saet di 13:00 de hêzên me bi çekên giran li dagirkerên li Kela Bêdewê xistin. Hedefên ku hatin diyarkirin bi rengekî serketî li wan hat xistin.
*27’ê adarê saet di 17:30’î de hêzên me li çeperên dagirkeran ên li Kela Bedewê xistin. Di vê çalakiyê de dagirkerek hat cezakirin, çeperek jî hate îmhakirin.
*Ev herdu çalakî di şexsê şehîdên nemir ên Hefteya Lehengiyê yên 21-28’ê Adarê Egît (Mahsûm Korkmaz) û Mazlûm Dogan de ji bo bîranîna lehengên nemir ên Kurdistanê hatine lidarxistin.
*26’ê adarê saet di navbera 07:45-10:10 de derdora Girê Hakkarî yê li herêma Metînayê 2 caran bi balafirên şer hat bombekirin.
*26’ê adarê saet di 10:00 de qada Şikefta Birîndaran a herêma Zapê bi balafirên şer hat bombekirin.
*26’ê adarê saet di 10:20’î de derdora Çemê Lolanê yê li herêma Xakurkê 2 caran bi balafirên şer hat bombekirin.
*27’ê adarê saet di 19:40’î de qada Kûnişka ya herêma Zapê, saet di 21:05 de jî qada Girê Ortê yê herêma Metînayê bi balafirên şer hat bombekirin.”
