Li Wargeha Penaberan a Şehîd Rustem Cûdî (Mexmûr) her sal bi boneya 4’ê Nîsanê roja rojbûna Rêberê Gelê Kurd Abdullah Ocalan, bi pêşengtiya Qada Perwerdeyê Mihrîcana Çand û Werzişê tê li darxistin. 14’emîn Mihrîcana Çand û Werzîşê ku di 21’ê Sibata 2022’an de bi leyîstina turnuvayên fitbolê yên di navbera dibistanan de destpêkiribû, dewam dike.
Mihrîcan îro jî saet di 08.00’an de bi deqeyek rêzgitin ji bo şehîdên Tevgera Azadiya Kurdistanê, bi tevlîbûna hemû xwendevan û şêniyên wargehê li beramberî parka Şehîd Aryen bi çalakiyên werzîşê destpêkir .
Sahaya pêşbirkê bi al û posterên Rêber Apo, KCK, HPG, PJAK, PKK’ê û bi alên kesk û sor û zer hatibû xemilandin. Di çalakiyên îro de pêşbirkên beza 100 metre, 400 metre, streka ciwan û maratonên di navbera dibîstanên Seretayî, Navîn û Amadeyî pêkatin.
Mihrîcan wê sibe bi çalakiyên çandî, hunerî û werzişî û birîna paste ji bo rojbûna Rêberê Gelê Kurd Abdullah Ocalan, dawî bibe.
