Serkêşîya RJAK û Têgêrayîşê Azadî de Rojbîyayîşê Rayberê Şarê Kurdî Abdullah Ocalanî dewa Qzwnqaye ya qezaya Qeredaxî ya Silêmanî de bi ronîyayîşê 73 leyan ame fîrazkerdene.
Çalakîye de nameyê RJAKî ser o Sara Reza eşkerayîye wende û vat: ”Şarê kurdî rojbîyayîşê Rayber Apoyî sey roja ganîbîyayîşê xo pênase keno.”
Hizba Zehmetkêşan a Kurdîstanî zî derheqê rojbîyayîşî de eşkerayîye daye û pare kerd ke azadîya Abdullah Ocalanî yena manaya qedîyayîşê şerê Tirkîya û herême.” SILÊMANIYE
