Parlementerê HDPyî Meral Daniş Beştaş û Oya Ersoye Zîndanê Kandira de Aysel Tugluke zîyaret kerde û da zanayene ke nêweşîya aye bena giranêr. Beştaşe hesabê xo yê medyaya dîjîtale de vila kerd ke înan Tugluke zîyaret kerda. Beştaşe derheqê rewşa Tugluke de agahîyî dayî.
Beştaşe îfade kerd ke rewşa Tugluke hol nîya û a nêeşkena bi sereyê xo zîndan de bimana. Beştaşe vat: ”Ma zîyaret de dî ke nêweşîya Tugluke bena giranêr û ma pê ney qehr bîyê. Tugluke nêeşkena têna bimana û hewcedarîyanê xo yê rojaneyan peyda bikera. Ganî a cade bêra veradayene…” STENBOL
