Uveyşe Ocalana ke dadîya Rayberê Şarê Kurdî Abdullah Ocalanî ya, dewa Amara ya qezaya Xelfetîye de serê gorê xo de ameye yadkerdene. Parlementerê Partîya Demokratîke ya Şaran (HDP) Omer Ocalan û Ayşe Surucu, endamê Înîsîyatîfê Mayanê Haştîye û îdarekarê HDPyî yê Riha zî tede xeylêk kesî tewrê yadkerdişî bîyî.
Parlementera HDPyî Ayşe Surucu yadkerdiş de qisey kerd û vat: ”Sey dayîke Uveyşe hesreya bi hezaran dadîyan û domananê înan bîye. Dayîke Uveyşe qetî sereyê xo nêard war. Tewirê aye tewr zaf tesîrê Abdullah Ocalanî kerd ke ey zî vatêne ‘Heta ke cinîye azad nêba komel zî azad nêbeno.’ Cinîyî hînî serkêşîya komel û şorişî kenê. No zî xêrê tesîrê Dayîke Uveyşe ra bîye.”
Qiseykerdişan ra dima qerenfîlî ronîyayî gorî ser û girseyî şîyî zîyaretê Mehmet Ocalan û Fatma Ocalan. RIHA
