Meclisa Gelê Kurd li bajarê Lîmasol ê Qibrisê ji bo PKK ji “lîsteya rêxistinên terorê” bê derxistin, maseya îmzeyan vekir.
Li gel maseya îmzeyan a ku li perava herî qelebalix a Lîmasolê hatiye danîn, endamên komîsyonê serdana kolan, mal û cihên kar ên li bajarê Ayianapa dikin û îmzeyan berhev dikin da ku bigihêjin hejmara hedefkirî ya îmzeyan.
Di çalakiyê de pankartên ku wêneyên PKK’ê û Rêberê Gelê Kurd Abdullah Ocalan li ser wan heye hatin hilgirtin û belavokek hatin belavkirin.
Di daxuyaniyê de hat destnîşankirin ku PKK ji bo gelên li Rojhilata Navîn dijîn yekane çavkaniya hêviyê ye û hat gotin ku ji bo pirsgirêkên azadî, demokrasî, exlaqî û siyasî jî yekane rêya ku dikare bibe çareserî jî eve ku xwedî feraseteke îdeolojîk e.
‘PKK tevgera milyonan e’
Siyasetmedarê kurd Kamil Akal di daxuyaniya têkildarê kampanyaya îmzeyan de wiha got: “Weke ku me di belavoka ku belavkir de jî diyar kir ku îro PKK navê jiyana mirovî ye. Hemû dost û dijmin baş dizanin ku felsefeya Rêber Apo dikare hemû pirsgirêkên civakê çareser bike. Em berevajîkirina rastiyan ya ji bo ku civakê ji rastî û îdeolojiya PKK’ê dûr bixe, terorîzekirina hêzekî mîna PKK’ê ku ji bo heqîqeta azadiyê têdikoşe, weke sûcekî li dijî hemû mirovahiyê dibînin. PKK ne rêxistineke terorîst e, berovajî wê tevgereke îdeolojîk e ku îro li dijî eniya rêxistinên terorê yên ku ji aliyê hêzên serdest ên li Rojhilata Navîn ve hatine afirandin şer dike û bi hezaran şehîdên wê hene û bi milyonan însan li pişt wê hene. PKK îradeya bi milyonan e. Di şexsê PKK’ê de bi milyonan wek terorîst tên îlankirin. Feraseta ku PKK’ê terorîst dibîne, divê baş bizane ku deyndarê parêzvanên vê îradeya ku îro gihîştiye bi milyonan û gelan, lêborînê bixwaze. Em diyar dikin ku êdî dem hatiye ku demildest dev ji helwesta xwe berdin û ji mêj ve dem li ser dayina deynê xwe li hemberî gelên hezkiriyê azadiyê re derbas bûye.”
Li ser maseya îmzeyan 1221 îmze hatin komkirin.
