Li gorî agahiyên ji rojnamevanên li herêmê hatin wergirtin, li herêma Zapê di êrîşên dagirkeriyê yên dewleta tirk de 6 jê payebilind herî kêm 85 leşker hatine kuştin, 32 jî birîndar bûne.
Dewleta tirk a dagirker ku 17’ê nîsanê li herêma Zapê dest bi êrîşê kir, tê gotin ku windahiyên giran daye.
Li gorî agahiyên rojnamevanên li herêmê ku ji çavkaniyên pêbawer wergirtine, li Zapê yek jê serdar (bînbaşi) 6 payebilind herî kêm 85 leşkerên tirk ên dagirker hatin kuştin.
Hate ragihandin ku serdarê artêşa tirk ji hêza Komando ya Tatvan Bîtlîsê ye û di çalakiya sabotajê ya gerîla de bi giranî birîndar bû û piştre mir.
Di çalakiyên gerîla de li Zapê her wiha 32 leşker birîndar bûn.
Dewleta tirk heta niha tenê mirina serpelekî hêzên taybet ên tirk û birîndariya 4 leşkeran ragihandiye.
Di daxuyaniyên Navenda Ragihandin û Çapemeniyê ya HPG’ê de hatibû ragihandin ku heta niha gelek leşkerên tirk ên dagirker hatine cezakirin.
