Artêşa tirk a dagirker ji 17’ê Nîsanê ve dest bi êrişeke berfireh a bejahî û hewayî li ser Herêmên Parastina Medya kiriye. Êriş piştî serdana Mesrûr Barzanî ya 15’ê vê mehê ya Tirkiyê û hevdîtina wî ya bi Erdogan û Hakan Fîdan re dijwar bûn.
Serokwezîrê Herêma Kurdistanê Mesrûr Barzanî îro di axaftina ku di Konferansa Chatham House ya li Londonê hatî lidarxistin kirî de bê hemdê xwe îtîraf kir ku di êrişa dagirkeriyê ya dewleta Tirk a li ser Başûrê Kurdistanê de hevkarî kirine.
Barzanî di axaftina xwe de tevgera azadîxwaziya Kurdistanê ya bi pêşengiya PKK’ê kir hedef û got, “Tirkiye ji sînorên me ve êrişê PKK’ê dike, şêniyên nêzî 800 gundên me ji ber şerê PKK’ê û dewleta Tirk nikarin vegerin gundên xwe.”
Ev gotinên Barzanî li xwe mikurhatineke eşkere ye ku di êrişa dewleta tirk a dagirker ya li ser gerîlayên PKK’ê de hevkariyê dike. Barzanî ji bo nixumandina îtîrafa kirî gundên ku di salên 1990’î de ji aliyê rejîma Baas ango Seddam Hisên ve hatibûn valakirin û şêniyên wan gundan jî gelek caran di ragihandinan de tînin ziman ku PDK rê nade wan ku vegerin war û gundên xwe, nîşan dide.
