Semedo ke Parlementere ya Partîya Demokratîke ya Şaran (HDP)î Feleknaz Ûca mabênê serranê 2015î û 2016î de beşdarê civatan û malûmatan bîya, derheqê aye de bi îdîayê ‘Endamîya rêxistinî’ dewa amîbî akerdiş. Roniştena dewa ewro zî dewam kerd. Roniştena dewa di 5in Dadgehe ya Cezayê Giranî yê Amedî de ame vînayîş. Feleknaze beşdarê roniştene nêbî la avûkatê aye Serdar Çelebî roniştene de hadre bî.
Mehkemaya ya Heqê Merdiman ya Ewropa (DMME), vera vurîyayîşê wextêk di Qanûnê Asasî de, seba wedaritişê seveknayîşê parlementerê HDPyî qerarê binpaykerdişî dabî. Avûkatê Feleknaz Ûca zî qerarê DMMEyî mojnayî dadgehe û waştî ke dewa bêro betalkerdiş. Labelê seke roniştenê bînî, na roniştene de zî waştişê avûkatan ame redkerdiş. Heyetê dadgehe da zanayene ke Wezaretê Edaletî açarnayîşê qerarê DMMEyî înan rê nêşawit o.
Avûkat Serdarî reyna waşt ke dewa bêro betalkerdiş û wina vat: “Ma waştişê xo yê nuştekî û bi fekî reyna dor kenê. Bi qerarê DMMEyî dir ma wazenê ke na dewa êdî bêro betalkerdiş. Şertê taqîbatî nêameyo cakerdiş.
Avûkat Serdarî reyna waşt ke dewa bêro betalkerdiş û wina vat: “Ma waştişê xo yê nuşteyî û fekî reyna tekrar kenê. Bi qerarê DMMEyî dir ma waştişê ke na dewa êdî bêro betalkerdiş. Şertê teqîbatî nêameyê bi ca.”
Heyetê dadgehe qerar da ke xo paweyê netîceyê cipersayîşê 2019/47619 ê Serdozgerîya Komare ya Amedî bigîrê û aqûbetê ci do bêro perskerdiş.
Sewbîna heyetê dadgehe dîyar kerd ke derheqê şertê muhakemekerdişî yê waştişê betalkerdişê dewa, heta nika DMMEyî qerarêk raste rast nêdayo û îdia kerd ke înan qerar binpay nêkerdê. Sewbîna dîyar kerd ke qanûnêk înan ê şertan werte ra wedarnê çin o, coka zî qerarê redî dayê.
Roniştişê dewa taloqê 11ê teşrîna verêne ame kerdiş. AMED
