Li navçeya Qeladizê ya Raperînê bi pêşengiya Tevgera Ciwanên Welatparêzên Kurdistanê û Tevgera Jinên Ciwan ên Têkoşer daxuyaniyek hate dayin. Ciwan li ber êrişên dagirkeriyê yên dewleta tirk ên li ser Herêmên Parastinê yên Medyayê rabûn. Gelek kes beşdarî daxuyaniya li Parka Qeladizeyê bûn.
Şîlan Omar ku daxuyanî xwend, bal kişand ser êrişên dewleta tirk a dagirker ên li ser Rojava û Başûrê Kurdistanê û wiha got: “Divê gel, rêxistin û partiyên me zanibin ku li dijî hemû destketiyên gelê me planeke metirsîdar heye. Dewleta tirk pêşengiya plana qirêj dike. Hin welatên cîhanê bi wî re hevkariyê dikin. Lewma divê her kes li dijî êrişan derkeve. Yekîtî û hevgirtina gelê kurd û hemû hêzên Kurdistanî wê gelê kurd li hember dagirkeran ber bi serketinê ve bibe. Divê hemû hêzên pêşmerge, hemû gel û raya giştî li hemberî dagirkerên Kurdistanê xwedî helwest bin, erkên xwe yên netewî pêk bînin û piştgiriyê bidin gerîla.”
