Endamên Tevgera Çand û Hunera Kurd a Ewropayê ku li dijî êrîşên dagirkeriyê û qirkirinê yên dewleta tirk ên bi hevkariya PDK’ê dayî destpêkirin, hatin cem hev û maseya krîzê ava kirin.
Endamên Tevgera Çand û Hunera Kurd a Ewropayê têkildarê êrîşên qirkirinê û dagirkeriyê yên dewleta tirk û pêvajoya îxanetê nirxandin kirin. Di çarçoveya ku weke tevger çi dikarin bikin de maseya krîzê hat avakirin û rêze biryar hatin girtin.
Li gorî vê;
Di hemû çalakiyan de wê pêşengiya çalak bê kirin,
Ji bo sazkirina têkilî û peywendiyê bi hunermendên biyanî re komîsyonek xweser hat damezrandin,
Li hemû welatên ku Tevgera Çand û Hunera Kurd a Ewropayê lê heye wê xwepêşandan bên lidarxistin.
Wê bi hin rêxistinên sivîl, hunermendên biyanî û saziyên çapemeniyê yên biyanî re têkilî bê danîn û dosya bên şandin.
Çalakiyên kolanan ên ku sekna hunerî nîşan didin wê bêne plankirin û pêkanîn.
Hat diyarkirin ku wê di rojên pêş de bernameya çalakiyan a tevgerê were aşkerekirin.
Hunermend Xelîl Xemgîn ev peyam da: “Dem dema azadiyê ye. Weke hunermendên civaka kurd di nava vî şerê man û nemanê de ne em bi gelê xwe re. Em ê di 30’ê nîsanê de li Dusseldorfê bi gelê xwe re bin. Li dijî dagirkeriyê, em li ku bin, ji bo yekitiya gelê xwe, em li ku derê dibin bila bibin em dibêjin, bijî berxwedana gerîla.”
