Bado ke dewleta tirke bi hemkarîya PDKyî dest pê hêrişê îşxalî kerd, xeta Gever û Çelê yê Colemêrgî de têgêrayîşê leşkerî yê sixletî û pêkewtişî dewam kenê. Goreyê xebera Ajansa Mezopotamya Di rojanê peyênan de 11 cenazayî ardîyayî Nêweşxaneyê Dewlete yê Geverî. Diya zanayene ke xeta sînorî hema sewqîyatê sîvîl û leşkerî yê sixletî yenê kerdene.
Dewê xeta sînorî yenê vengkerdene. Dewa Marinosî yê Colemêrgî ya ke nizdê Kato de ya vengkerdişî rê rî bi rî ya. Ciwanî dewe ra ameyî vetene. Têna çend extîyarî dewe de mendî. Xeylêk birrê mîyan bêşiwan mendî. Dewijê ke wazenê şirê mîyan bîgêrê ê zî yenê astengkerdene. Leşkeranê tirkî dewketiş û vejîyayîşê dewe girewtî.
Hetê bînî ra dewa Ertuşî ya Çelê de newexaneyê sahra ame ronayene ke leşkerê tirkî tîya bêrê tedawî kerdene. Herême de morgê gêrok zî ameyî cakerdene. Dîya zanayene ke hûmara merde û birîndaran ê leşkeran dahîna zaf a. Birîndarî bi helîkopteran yenê berdene nêweşxaneyanê Colemêrg, Çelê û Geverî. COLEMÊRG
