Şêniyên Wargeha Penaberan a Şehîd Rustem Cûdî ya Mexmûrê bi daxuyaniyekê li ber êrîşên dagirkeriyê yên li ser Şengalê rabûn.
Endama Koordînasyona Meclisa Îştar Pakistan Bîlen daxuyanî da û qirkirina heta niha li Şengalê û civaka êzidî hatine kirin bi bîr xist.
Pakistan Bîlen got, “Ji bo tunekirin û qirkirina gelê êzidî êrîşên berfireh li ser Şengalê dewam dikin. Dewletên desthilatdar ji bo nûkirina sînorên xwe êrîşî hemû cihên ku pergala neteweya demokratîk hatiye sazuman kirin dikin. Ji bo sîstema xwe li van herêman bi cih bikin, bi her cureyî êrîşan dikin. Pêwîste em wek gelê kurd di ferqa vê rastiyê de bin. Ji ber ku em di serdemek girîng a dîrokî de ne. Divê em gelê kurd li hember van êrîşan rojane di nava çalakiyan de bin. Pêwîste em dîrokê baş bixwînin û li gorî wê li hemberî hêzên dijî gelê kurd ên ku dixwazin gelê kurd tune bikin rawestin.”
Bîlen herî dawî ev bang kir: “Divê wek gelê kurd em xwedî li gelê xwe yê êzidî û Şengalê derbikevin û wan bi tenê nehêlin.”
