Siddik Guler ê 82 salî yek ji girtiyên bi nexweşiya giran e ku ji Girtîgeha Tîpa T a Skenderûnê beriya 2 mehan sewqî Girtîgeha Tîpa R a Menemen a Îzmîrê hate kirin. Rewşa tenduristiyê ya Guler roj bi roj girantir dibe.
Malbata Siddik Guler bi wesîleya Cejna Remezanê karîbû doh li girtîgehê hevdîtinê pê re bike. Siddik Guler ku gelek nexweşî lê der bûne û nayê dermankirin, her wiha ji ber temenê xwe yê dirêj rewşa wî ya tenduristiyê giran dibe. Keça Guler Ayşe Guler çû hevdîtinê û qala çavdêriya xwe ya di dema hevdîtinê de kir.
Ayşe Guler anî ziman ku Guler bi tena serê xwe nikare îdare bike û 40 roj in li koxûşa ji 3 kesî bi tenê tê hiştin. Ayşe Guler diyar kir ku hîn jî dest bi tedawiya bavê wî nekirine û got, ji ber ku demeke dirêj bi tena serê xwe dimîne êdî bi zehmetî diaxive, her wiha zû tiştan ji bîr dike.
Guler anî ziman ku bavê wê xwe bi dîwêr digirt û bi wî rengî dikarîbû bê cihê hevdîtinê.
