Hêrîşê Tirkîya ke bi ortaxîya Partîya Demokratîke ya Kurdistanî (PDK) 17ê nîsane de vera herra başûrî de destpêkerd gurir benê. No pêrodayîşo ke qewimîyeno êdî psîkolojîyê leşkeranxira keno. Ame zanayene ke nê hêrîşan de Tirkîya hûmarêka zêde ê leşkeranê ke merdî esta û na rewşe mîyanê leşkeran de bena sebebê munaqaşeyan.
Goreyê xeberanê ke ameyî, şertê zehmetîn ê arazî vera leşker zehmetî ancenê û tay leşkeran de tarawma xo dayo teber. Ame vatene ke seba ke şer de humara merdeyan zêde bena, çawişê pispor êdî nêwazenê şêrî herême. Ame tesdîqkerdiş ke heta nika tewr tay 10 çawişê pisporî îstîfa kerdî.
Çawişêko pispor o ke îstîfa kerd da zanayene ke şert û mercê herême zaf zehmetin î û vat ke gama ke ê şîyî herême hayîya înan rewşe ra çinî bî. Çawişo pispor wina vat: “Ez rewşa ekonomî û hîssê neteweyî vera tewrê TSKyî bîya. Wexto ke ez betal bîya, bi pêşnîyazê embazan mi qerar da ke ez biba pispor. Sere de bi hîssanê neteweyî ez têgêraya, heta ke ez şîya herême mi merdeyan dî.”
Çawişêko pispor tewr peynî wina vat: “Herêma sînorî ra verê ma dayî erazîyêko ma pê nizanî. Şerê heta nika de xeylê kesî merdî. Par 10 leşkerî tewrê hêrîşan bîyî la tena 2 tenî agêrayî. Nika psîkolojîyê nê leşkeran zî xirakerde yo û coka ra mi îstîfa kerd.”
