Navenda Ragihandin û Çapemeniyê ya HPG’ê bîlançoya mehekê ya şerê di çarçoveya Pêngava Şoreşgerî ya Bazên Zagrosê de qewimî, eşkere kir. Di daxuyaniyê de ev agahî hatin dayin: “Di ser êrişa berfireh a dagirkeriyê ya dewleta tirk a mêtinger re mehek derbas bû, ku 14’ê Nîsanê li ser qadên Zap û Avaşînê yên Herêmên Parastinê yên Medyayê hate destpêkirin. Gerîlayên Azadiyê yên Kurdistanê ji kêliya destpêkê ya êrişê û pê ve her bihosta xaka Kurdistanê bi ruhê milîtaniya fedaî ya Apoyî kirin qada berxwedanê, bersiva pêwîst dan dagirkeran û derbên giran li êrişa dagirkeriyê xistin.
Xeta serketinê û ruhê fedaî yê Şoreş Beytuşşebap û hevrêyên pê re ku di sala 2021’ê de bersiv dan êrişa dewleta tirk a dagirker a li ser Garê û bi berxwedana xwe Destana Lehengiyê ya Garê afirandin, Berxwedana Mamreşo û Zendûrayê ava kirin. Hevrêyên me ku xeta fedaîtiyê di asta herî bilind de temsîl kirin, li Girê Sor û Werxelê di dîroka berxwedanê ya gelê me de rûpelekî nû vekirin. Rêbaza milîtaniya Apoyî ku hêzê ji vê kevneşopiya berxwedanê digire, li gorî şert û mercên serdema nû hesabên dagirkeran hemû têk bir. Tîmên me yên gerîla yên bi tevger însiyatîfa li qadê timî di destê xwe de hiştin û bi rêbazên; serdegirtin, sabotaj, sûîqest û taktîkên cuda yên di nava hev de, çalakiyê afirîner kirin. Hêzên me yên Parastina Hewayî yên Şehîd Delal ku teknîka dewleta tirk a dagirker pûç kirin û bi vî rengî derb li dagirkeran xistin, di vê pêvajoya mehekê de bi rola xwe rabûn. Hêzên me yên YJA Starê ji kêliya destpêkê ya êrişên dagirkeriyê û vir ve çalakiyên bi bandor kirin. Jinên Kurd ên şervan û berxwedêr ku xwe bi felsefeya Rêber Apo xemilandine, di şerê me yê azadiyê de nasnameya me ya xurt bi rengê herî bi hêz temsîl kirin. Li gel temsîliyeta xurt, şervanî, wêrekî û pêşengiya jinên kurd ên azad di şexsê Şaristan, Mizgîn û Viyanan de weke fermandarên Y JA Starê yên sembol û mînaka serdema nû şênber bû.
Yek ji êrişên herî berfireh ên dîroka dewleta tirk a mêtinger tê kirin
Dewleta tirk a mêtinger ku bi tasfiyekirina têkoşîna me ya azadiyê re ku hêviya gelên bindest e, dixwaze armancên xwe yên dagirkeriyê pêk bîne. Ji bo vê jî derfetên xwe yên teknîkê hemû xistine dewrê û yek ji êrişên herî berfireh ên dîroka xwe dike. Tenê di nava mehekê de bi qasî ku hêzên me tespîtkirine; 1274 caran obus û top avêtiye qadên berxwedanê, 917 caran bi balafirên şer û 719 caran jî bi helîkopterên êrişê bombardûman kiriye, lê nekariye encamekê ji van êrişan bi dest bixe. Artêşa tirk a dagirker ku li gel van êrişan nekarî encamê werbigire, careke din dest bi bikaranîn rê û rêbazên şerê qirêj kir. Artêşa tirk a dagirker ku di encama bi sedan çalakiyên hêzên me de derbên giran xwar û nekarî bi pêş ve biçe, 164 caran li dijî Qadên Berxwedanê çekên kîmyewî bi kar anî û sûcê şer kir. Dewleta tirk a mêtinger di vê êrişa xwe ya dagirkeriyê de di ser qadên di bin kontrola PDK’ê de ne gelek caran êriş kir û baregehên xwe yên leşkerî yên li nava başûrê Kurdistanê bi rengekî çalak bi kar anî û ji van baregehan hêz şand Qadên Berxwedanê ku derbên giran lê dixwe. PDK’ê jî ji destpêkê ve bi her awayî piştgirî da êrişa dagirkeriyê ya dewleta tirk a faşîst û qirker û ji bo artêşa tirk li Zapê li binê erdê nekeve gelekî hewl da. Artêşa tirk li gel her cûre piştgiriya ku jê re hate dayin jî bi vê êrişa dagirkeriyê nekarî bigihêje armanca xwe û di asteke cidî de şikest.
Gerîlayên me yên azadiyê yên Kurdistanê di nava vê meha dawî de bi rengekî dîrokî li ber xwe dan û hunera xwe ya bilind a şer nîşan dan. Bêguman bi ked û hewldanên şehîdên me ku bi ruhê fedaî yê Apoyî şer kirin û tevlî karwanê nemiran bûn, ev encama xurt hate bidestxistin. Di nava êrişa dagirkeriyê ya mehekê de 25 hevrêyên me tevlî karwanê nemiran bûn û bûn misogeriya Kurdistana Azad. Gerîlayên Azadiya Kurdistanê bi performans, sekna fedaî û rêbaza şer a milîtanî careke din nîşan dan ku xwedî wê hêzê ne bersivê bidin her cûre êrişên li ser xaka Kurdistanê ya pîroz û gelê me û bûn rûyê pak ê gelê me.
Bîlançoya şerê mehekê
Bîlançoya şerê navbera 14’ê nîsanê û 14’ê gulanê wiha ye:
Çalakiyên ku ji aliyê hêzên me ve hatin lidarxistin;
– 4 çalakiyên serdegirtinê
– 4 çalakiyên xweberdana nava dijmin
– 20 çalakiyên koordîneyî û hemwextî
– 37 çalakiyên sabotajê
– 62 çalakiyên sekvaniyê
– 68 çalakiyên bi çekên giran
– 147 şer û çalakiyên derblêdanê
– Gerîla bi giştî 343 çalakî lidar xistin.
Encama çalakiyên hêzên me;
– 427 dagirker hatin cezakirin.
– 88 dagirker birîndar bûn.
Êrişên ji aliyê artêşa tirk a dagirker ve hatin kirin;
– Bi qasî ku hêzên me tespît kirine, di serî de Qadên Berxwedanê, Herêmên Parastinê yên Medyayê 917 caran bi balafirên şer hatin bombekirin.
– 719 caran bi helîkopterên êrişê û 1274 caran bi obusan bombardûman hate kirin.
– 164 caran bi gazên kîmyewî bombe li çeperên şer ên hêzên me hatin barandin.
Amûr û malzemeyên leşkerî yên ji aliyê hêzên me ve hatin îmhakirin;
– Helîkopterek bi tîpa Skorsky
– Tankek
– 14 çeper
– 7 Drone
– 5 Sîstemên Kamera yên Mobesse
– 2 Cîhazên Guhdarîkirinê
– Çekek BKC
– Çekek bombeavêj
– Çekek A4
– 2 Konên Leşkerî
– 2 kamerayên wênekişandinê û sensorên tevgerê hatin îmhakirin.
Wesayitên leşkerî yên ku hêzên me derb li wan xistin;
– 22 helîkopter
– 3 Drone
– Wesayiteke leşkerî.”
