Navenda Ragihandin û Çapemeniyê ya HPG’ê encamên çalakiyên gerîla yên li Xakurkê eşkere kir. Di daxuyaniya HPG’ê de ev agahî hatin dayin:
“Hêzên me li herêma Xakurkê li dijî dagirkeran bi ruhê Pêngava Şoreşgerî ya Bazên Zagrosê çalakiyên xurt lidar xistin. Di çalakiyanê de ku bi giştî 28 dagirker hatin cezakirin, hevrêyên me Rustem, Lezgîn, Agît û Dijwar şehîd bûn. Agahiyên berfireh ên çalakiyan wiha ne;
14’ê gulanê saet di 00:30’î de li dijî dagirkerên li qada navbera gundên Lêlikan û Dayla yên Xakurkê, bi rêbaza sabotajê çalakî hat lidarxistin. Di encama vê çalakiyê de wesayita bi tîpa Reo ya dagirkeran bi temamî îmha bû û 14 dagirkerên tê de hatin cezakirin.
Di şeva 15-16’ê gulanê de saet 00:00 li qada Girê Lêlikan ê herêma Xakurkê, li hemberî girekî ku dagirker lê bûn, çalakiyeke koordîneyî ya gerîla hat lidarxistin. Hêzên me bi du baskan xwe berdan nava hêzên dijmin. Di demeke kurt de mîna birûskê hemû çeperên dagirkeran ên li ser gir hatin îmhakirin û hêzên me bêyî ku windahiyan bide gir bi temamî fetih kirin. Li vê derê çûn ser 12 cenazeyên dagirkeran û aşkere bû ku hemû hatine cezakirin. Di dema vekişînê de li derdora gundê Herkarê di navbera hêzên me û dagirkeran de şer qewimî û heta serê sibehê dewam kir. Di vî şerî de 2 dagirker hatin cezakirin. Hevrêyên me Rustem, Lezgîn, Agît û Dijwar ên ku bi wêrekiyeke mezin bi ser dijmin ve çûn, bi afirîneriya taktîkê di demeke kurt de hedefên dijmin fetih kirin û di vê çalakiyê de bi giştî 14 dagirker ceza kirin, bi lehengî şehîd bûn.
Agahiyên li ser nasnameya hevrêyên me yên şehîd bûne wiha ne:
Nasnav: Rustem Qendîl
Nav paşnav: Daniş Perwîzî
Cihê jidayikbûnê: Kamyaran
Dayik-Bav: Jîla-Eset
Dem û cihê şehadetê: 16’ê gulana 2022 / Xakurkê
Nasnav: Lezgîn Bawer
Nav paşnav: Bawer Nas
Cihê jidayikbûnê: Şirnex
Dayik-Bav: Sedef-Omer
Dem û cihê şehadetê: 16’ê gulana 2022 / Xakurkê
Nasnav: Agît Rojhilat
Nav paşnav: Kawa Îsmaîlî
Cihê jidayikbûnê: Ûrmiye
Dayik-Bav: Hatîce-Şemsettîn
Dem û cihê şehadetê: 16’ê gulana 2022 / Xakurkê
Nasnav: Dijwar Ertûşî
Nav paşnav: Nûrûllah Gul
Cihê jidayikbûnê: Wan
Dayik-Bav: Hemra-Nezîr
Dem û cihê şehadetê: 16’ê gulana 2022 / Xakurkê
