Sendîkaya Lokomotîf û Agirkujan a Îngilistanê ji bo azadiya Abdullah Ocalan bang kir. Yek ji sendîkayên herî mezin a Îngilistanê, Sendîkayên Agirkujan û Endezyarên Lokomotîf (ASLEF) di kongreya xwe ya îsal de ji bo azadiya Rêberê PKK’ê Abdullah Ocalan bang kir. Di kongreya îsal ya ASLEF a li bajarê Boûrnemoûth a Îngilistanê hat lidarxistin de ji bo azadiya Abdullah Ocalan bang hat kirin. Di kongreya sendîkayê ku zêdeyî 25 hezar endamên wê hene de delegeyan posterên Rêberê PKK’ê Abdullah Ocalan hilgirtin û bi yek dengî “Ji Ocalan re Azadî” gotin.
Endamê Desteya Rêveber a ASLEF’ê Marz Colombînî di kongreyê de axivî û got: “Ocalan ji sala 1999’an û vir ve di girtîgehê de ye. Nêzîkî çaryek sedsalê ye di bin tecrîdeke giran de tê ragirtin. Gelek aliyên wî yên dişibin yên Nelson Mandella hene. Weke ASLEF’ê em tev li kampanya azadiya Ocalan bûn û di çarçoveya vê kampanyayê de ji bo dilsoziya bi Ocalan û gelê kurd re posterên Ocalan radikin.” Nûneran piştre bi posterên Rêberê PKK’ê Abdullah Ocalan wêneyên xwe kişandin. Di kongreyê de gelek rêveberên sendîkayan, wekîl û nûnerên saziyên sivîl jî amade bûn.
Çalakiya îmzeyan dê di demen pêş de bi bernameyen cuda bidome.
