Qedexe û astengkerdişê îqtîdarê AKP-MHPyî yê vera hunermendanê kurdan û muxalîfan dewam kenê. Konserê hunermendan yew bi yew yenê betalkerdene. Hunermend Ferhat Tunçî derheqê babete de ANFyî rê qisey kerd.
Ferhat Tunçî da zanayene ke sey hunermendanê kurdan hunermendê muxalîfî zî hedefê îqtîdarî de yê û vat: “Girîng nîyo ke konserê kamyew hunermendî/e ameyo qedexekerdene, no qedexe vera pêro hunermendan û komelî yo. No îqtîdar wazeno têna vengê faşîzmî bieşnawo. Vera îqtîdarî ganî ma vengê xo berz bikerê, nêbo îqtîdar do ser bikewo. Hunermendî ganî seba demokrasî û azadîye tewirê xo bimojnê. Qedexe bi sereyê xo binpaykerdişê heqanê merdiman o, tehluke yo. La qedexe têna sey yew qedexe nêmaneno û êyê neweyî tim pey ra yenê. Ma destûr nêdê ney.
Eke ma bieşkê xo rêxistin bikerê ganî ma bi çalakîyanê aktîf, demokratîk û afernayoxan nê qedexeyan şermezar bikerê û bimojnê ke çew vengê xo nêbirneno. Na babete de wezîfe keweno milê ma pêroyîyan. Ma erkê xo bîyarê ca.”
