Serekkomarê Tirkîya Tayyîp Erdoganî herinda Tansuye Çîllera ke serranê 90an de seba qirkerdişê kurdan amebî wezîfedar kerdêne, kerd de. Herinda JÎTEMo ke serranê 90an de bi cînayetanê ‘faîl-î meçhûlî’ seu ‘makînaya mergî şinasîyayêne, Tîma Xançerî girewt ke cerganê dewlete ra yena pê û raşte raşt pabesteyê Wezîrê Şerî yê Tirkîya Hulusî Akarî yo.
Verî serkêşîya Tîma Xançerî Mehmet Paksoyê qilebanijî kerdêne ke pê nameyanê kodî Miho Rapinî û Miho Apocîyî şinasîyayêne. No kes 31ê tebaxa 2017î de ame cezakerdene. Nê serebûtî ra pey Tîma Xançerî rojdem ra dûr kewte la hêrişanê dewlete yê vera Herêmanê Pawitişî yê Medya de reyna bîye rojdem.
Nika serkêşîya na tîme Zubeyît Bababo sêgirkêyîj keno ke kekê ci Hazim Babatî mîyanê serebûtanê reşan de ca girewtêne. Zubeyîr Babat verî Sêgirkê de sercerg bi. Dima lajê Hazim Babatî Mesut Babab bi sercerg û Zubeyîr Babat zî bi sercergê Tîma Xançerî û ey ekîpa xo naye ro.
Nê cergê ke hetê dewlete ra bi hawayêkê taybetî yenê perwerdekerdene, hêrişanê vera Herêmanê Pawitişî yê Medya de tewr vernî de şuxilîyenê. Nê cergê ke kincê gerîlayan danê xo rê, şarê Kurdîstanî rê îşkence kenê û ver bi tunelanê şerî erşawîyenê.
Mîyanê na tîma gemarine de kesê bi nameyê Mehmet Sabri Benek, Haci Benek, Îhsan Kenanoglu, Edîp Babat, Suleyman Bîlen, Lokman Benek zî tede 22 kesî cagênê. AMED
