Hêzên asayîşa PDK’ê ku li Dêgelê li pêşiya ciwanên li dijî êrîşên dagirkeriyê yên dewleta tirk Meşa Dirêj dabû destpêkirin bûn asteng, vêcarê bi gulebaranê gef li ciwanan xwarin.
Meşa bi pêşengiya endamên ciwanên başûrê Kurdistanê ku li dijî êrîşên dagirkeriyê yên dewleta tirk ji Koyeyê ber bi Behdînanê ve destpê kir, li Dêgelê ji aliyê hêzên PDK’ê ve hat astengkirin. Ciwanan bi mebesta protestokirina astengkirinê dest bi çalakiya rûniştinê kir.
Hêzên PDK’ê diyarkirin ferman ji wan re hatiye ku ciwan ji noqteyê derbas nebin, dema derbasbûn, wan gulebaran bikin.
Ciwanan bi daxuyaniyekê diyar kir ku li ser çalakiya xwe bi israr bûn, lê ji ber astengî û rêgiriyê dawî li çalakiya xwe anîn.
