Tecrîdê vera Rayberê Şarê Kurdî Abdullah Oaclanî ke Îmrali sey esîr yeno tepiştiş û tewr peynî 2019î de ci reyde pêvînayîş ameybî kerdiş, her ke şino giran beno. Bi serran o destur nêdîyeno avukatan ke muwekîlê xo reyde pêvînayîş bikerî û pêvînayîşê telefonî zî yeno astengkerdiş.
Avûkat Cemal Demîrî derheqê tecrîdê Îmraliyî yê vera Rayberê Şarê Kurdî Abdullah Ocalanî de ANFyî rê qisey kerd. Avûkat Demîrî îfade kerd ke tecrîd kerdişêko kanwaz o û maneno sîstemê qesasî yê dewrê mîyanênî. Demîrî ard ziwan ke ganî nê kerdişî ra fek bêro verdayene.
Avûkat Demîrî bale ante tecrîdê Îmraliyî ser û dîyar kerd ke dinya de mîsalêkê ney o bîn çin o. Demîrî vat: “Armancê nê kerdişî no yo ke merdim hetê îradeyî ra bişikno, teslîm bigêro. Huqûqê mîyanneteweyî de tecrîd sey kerdişê vera merdimîye û îşkenceyî pênase beno. Heyf ke wexto ke babete Birêz Ocalan bibo huqûq goreyê menfaatanê dewletan beno qurbanê têkilî û îqtîdaran. Rewşa huqûqî ya vera Abdullah Ocalanî taybet û xorin a ke qetî bi pênaseyê ‘îzolasyonê komelkî’ nêna îzehkerdene. Ganî cade no sîstem bêro wedaritene ke maneno sîstemê qesasî yê dewrê mîyanênî.” COLEMÊRG
