Di rojê vîyarteyî de serekê pêroyîyê CHPyî Kemal Kiliçdaroglu, bi belgeyan dîyar kerd ke Serekkomarê AKPyî Erdogan û keyeyê xo bi hetkarîya Weqfa Ensarî û TÛRGEVî, seba weqfê ke paravanîyê teverê welatî de pere resnayê. Kemal Kiliçdaroglu da zanayene ke no planê meşrû yê AKPyî yo. AKP ke xeylêk reyan bi nêmunsîbîyî ame rojeve, Di serê Weqfê Ensarî yê bi tecawuzkerdişê 40 tutan ameyo rojeve ke û xeylêk weqfî û komeleyê bînî yê bi tacîz, tecawuz û nêmunasîbîyî yenê rojeve.
Tuta Partîya Karkeran ê Tirkîyayî (TÎP) ya qezaya Çîglî Adalet Kule daye zanayene ke Weqfa Ensarî ke AKPyî yê sey Musteşarê MÎTî Efkan Ala, Nûman Kûrtûlmûş, Ahmet Davûtoglû, Bekîr Bozdag, Beşîr Atalay, Abdullah Gul, Mehmet Alî Şahîn, Huseyîn Çelîk ci de resayê; bi îstîsmarkerdişê tutan yena zanayîş û na Weqfe de serê serdestîya cinî û tutan ra hewl danê ke komele bikerê şeklêke.
‘Rotaya muhîm e’
Kule vat, wezîfeyê muxalefetî beyanat nîyo, Wezîfe no yo ke serê babete de şêrê û vat: “Ganî nê awanbîyayîşê winayînî vêşêrî ke êdî agêrê bêrê pakerdiş. Di komele de qijvînayîşê humarê ya pereyî zî çîyêke bi xofî yo. Wa bêro zanayene ke nê pereyî wina benê semedê feqîrîya ma. Bi destê weqfan erjê şarî senîn yeno resnayîşî, rolê endamê hukmatî yî ke di tîya de ganî bêro zanayene. Seba şaro ke nêeşkeno tu çîyêke xo rê biherêno ra vanê ‘La merdimî eşkenê bi nê pereyî biremê?’. Na rotaya pereyî ya. Welat yeno talkerdiş. Ciwîyê bînî senîn yenê awankerdiş mojneno ra. Vera nê zî persê seki ‘Gelo do seke 15ê Temûze senîn kaos vejîyo?’ û ‘Bi rayîrê weqfan biremê’ zî baleante nîyê.”
‘Weqfî her ke şinê zêde benê’
Kule eşkera kerd ke cemat û weqfî di 1950î de bi sîstemê zaf partîbîyayîşî dir, bi destê Partîya Demokrate ameyê awankerdiş û vîyarteyê xeylêk kesê sey Abdullah Gulî û Efkan Ala yo ke di Akademîya Îdarekarîya Dewlete de ca girewtê, 2 yurdê Weqfê Ensarî de resayê têkilîya ke, ê prosesê tarîxî kenê û wina beyanat da: “Weqfa Ensarî, TÛGVA û TÛGEV bi mesajo ke MEBî îmza kerdo perwerde û fealîyetê komele kerdo hedef û duştê nê mesajî de dewaya ke Egîtîm Senî akerdo, qezenc kerdo. Daniştayî vat ‘Perwerde xizmetêke îstîmlakî yo, bi destê îstîmlakî ganî bêro dayîş’. La rayîrê sererastkerdişê nê programan ê di perwerdeyê nê weqfan de ame serbestkerdiş. Na komele bi rantê destê sîyasetî de ya, pîl benê. Heto bîn ra zî xo di hetê sîyasetî de gênê garantîyî. Dibîstan ê dewlete de nê weqfan de behsê milyon dolar û yurdê 5 hezar kesî yenê kerdiş, cakerdiş. Ewro bi destê îstîmlakî perwerdeyîyêke îlmî, seyyewbînî û adîlane nînê dayîş. Semedê nê zî erjê welatî seba weqfan yenê dayîş.”
‘Welat ver bi tarîyî ra şino’
Kule dîyar kerde ke Weqfê Ensarî bi tecawuzî ameyo rojeve û nê weqfan de kursê Quranî yenê akerdiş, kampî yenê organîzekerdiş û wina beyanat da: “Bi milyon dolarî nê weqfan rê yenê resnayîş, do bieşkê çiqas yurdan akerê? Tutê ma çiqas bi ewleyî do bêrê hewênayîş? Wendekarê ke unîversîte qezenc kenê teslîmê yurdê cematî yenê kerdiş. Welat game bi game ver bi tarîyîyî ra şino. Semedê nê zî no yo ke çimeyê îstîmlakê weqfan pîl keno. Wazenê serdestîya cinî û tutan komele de bikerê şekl.”
Adalete eşkera kerd ke seba TÛRGEVî yê binê kontrolê Bîlal Erdoganî de yo; Suûdî Erebîstanî ra 99 milyon dolar resnayo û no pere zî komele feqîr keno. Adalete peynîyê qiseyanê xo de da zanayene ke, ganî her kes duştê nê terzê ciwîyayîşî de sere wedaro û qebûl nêkero.” ÎZMÎR
