Zîndanê Bayburtî de tepişte Muhammed Yildirim (22) bi îdîaya ‘xo kişto’ wedarîyabi nêweşxane û dinyaya xo bedilnayebî. Goreyê îdîayan Yildirimo ke hîrê mengî yo Bayburt de tepişte bi, bi heban xo kişto.
Ame parekerdene ke Yildirim Bayburtî ra wedarîya Nêweşxaneyê Trabzonî, tîya de pîzeyê ci ame pakîkerdene la rixmê mudaxeleyî zî krîzê qelbî ra dinyaya xo bedilnaya. Otopsî ra dima cenazaya ey erşawîyaye Çewlîg û ameye definkerdene.
Dîya zanayene ke pîzeyê Yildirimî ra 72 hebê ke nameyê ci nêzanîyenê, vejîyayê.
Wekîlê Partîya Demokratîke ya Şaran (HDP) yê Çewlîgî Erdal Aydemîrî hesabê xo yê medyaya sanale de ard ziwan ke mergê wendakarê Unîversîteya Çewlîgî Muhammed Yildirimî şikdar o û vat ê do peyê na mesele cameverdê.
