Vera çapemenîya azade Amed de 8ê hezîrane de sereştişê keyeyan de 20ê ci rojnamegerî 22 kesî ameybî destbendkerdene. Rojnamegerî 7 rojî yo Mudirîya Asayîşî ya Amedî de nezaret de yê.
Hemserekê Komeleya Rojnamegeran a Dîcle-Firatî (DFG) Serdar Altanî derheqê prosesê destbendkerdişî de mesajêk vila kerd.
Mesajê Altanî wina yo:
”Prosesê destbendkerdişî yo derg vurîyayo îşkence û cezakerdişî. Proses vurîya prosesê peydakerdişê delîlan. 8 rojî nê 80 rojî zî derbaz bibê xebatanê ma yê rojnamegerîye ra ber şima nêeşkenê çîyêkî bivisnê destî. Ma venga dozgerê dosya danê ke destê ci de çi est o ma wazenê bivînê. Nê prosesî zêde derg mekero. Nêbo şima do binê sûcdarîyan de bimanê. Fikro ‘Gelo delîlî yenê peydakerdene’ vejîyena werte. Ma sey rojnamegeran xebatanê xo ra ber ma sûcêk nêkerd. Coka ma wazenê cade bêrê veradayene. Bi na wesîle ma pêro kesanê ke ma têna nêverdayê, rê sipas kenê. Ma vanê ‘Paştdayîş keno pîl.’ ”
Nameyê 22 kesanê destbendkerdeyan wina yê: Hemserekê Komeleya Rojnamegeran a Dîcle Firatî (DFG) Serdar Altun, Mudirê Karanê Nuşteyan ê Rojnameyê Xwebûnî Mehmet Alî Ertaş, Mudira Jinnewsî Safîye Alagaş, Edîtora Jinnewsî Gulşene Koçuk, Edîtorê Ajansê Mezopotamya (MA) Azîz Oruç, rojnameger Omer Çelîk, Suat Doguhan, Ramazan Gecîken, Esmer Tunç, Neşe Toprak, Zeynel Abîdîn Bûlût, Mazlum Dogan Guler, Mehmet Şahîn, Elîf Ungur, Îbrahîm Koyuncu, Remzîye Temel, Mehmet Yalçin, Abdurrahman Oncu, Lezgîn Akdenîz, Kadîr Bayram, Feynaz Koçuk û Îhsan Ergulen.”
